«Դպրոց -կենտրոնների միություն» իրավաբանական անձանց միությունը դարձավ «Ուսուցիչների եվրոպական ասոցիացիա»-ի (''European Association of Teachers'')  անդամ, ինչի կապակցությամբ շնորհավորում եմ «Դպրոց-կենտրոնների միություն» իրավաբանական անձանց միության անդամ հանդիսացող բոլոր դպրոցներին:

«Ուսուցիչների եվրոպական ասոցիացիա»-ի կենտրոնական գրասենյակը գտնվում է Բրյուսելում: Այն հիմնադրվել է 1956 թ. Փարիզում: Ներկայումս կազմակերպությունն ունի մասնաճյուղեր շուրջ 25 եվրոպական երկրներում:

«Ուսուցիչների եվրոպական ասոցիացիա»-ին անդամակցում են ավելի քան 25,000 ուսուցիչներ, տնօրեններ և կրթության ոլորտի մասնագետներ:

«Ուսուցիչների եվրոպական ասոցիացիա>-ն պարբերաբար կազմակերպում է միջազգային համաժողովներ, դասընթացներ` համախմբելով կրթության ոլորտի բոլոր այն մասնագետներին, որոնց միավորում են ընդհանուր հիմնախնդիրներ:

«Ուսուցիչների եվրոպական ասոցիացիա»-ի նպատակներից են.

·      միավորել ուսուցիչներին` ստեղծելով Եվրոպական Միության կրթական պլատֆորմ,

· նպաստել կրթության ոլորտում առկա հիմնախնդիրների վերհանմանը և դրանց լուծմանը,

·        խթանել բազմակողմանի համագործակցությունը դպրոցների միջև:

Հարգանքով`

ՀՀ ԱԺ պատգամավոր,

«Դպրոց -կենտրոնների միություն»

իրավաբանական անձանց միության

 նախագահ Ռուզաննա Մուրադյան