ՀԱՂԹԱՆԱԿԻ ՕՐԸ ԳԱՎԱՌԻ Հ. 5 ՀԻՄՆ. ԴՊՐՈՑՈՒՄ

 «Դպրոց-կենտրոնների միություն» իրավաբանական անձանց միության առաջարկով Գավառի N5 հիմնական դպրոցի VIII և IX դասարանների աշակերտները զինղեկ Վ. Սարգսյանի և ՄԿԱ –ի գծով տեղակալ Թ. Սայադյանի հետ այցելեցին զորամաս: Աշակերտները ծանոթացան զինվորականների կենցաղին, եղան հանգստի սենյակում, զրուցեցին զինվորների հետ, միասին երգեցին Հայաստանի Հանրապետության և ՀՀ զինված ուժերի հիմները:Նրանք մայիսյան հաղթանակներին նվիրված գրական-երաժշտական միջոցառումը անցկացրին զորամասում:

 Հնչում է <<Вставай страна>> - երգը, որի հնչյունների տակ քայլում են զինվորները, ապա աշակերտները ներկայացնում են պատերազմի սկիզբը, ԽՍՀՄ զորքերի հաղթանակները: Խոսում են հայկական դիվիզիաների հաղթական երթի մասին, անուն առ անուն հիշում հերոսներին.

Հիշենք բոլորին անուն առ անուն. 
Դա մեռածներին պետք չէ , ես գիտեմ, 
Բայց ապրողներին շատ է հարկավոր: 

  _Մայիսի 9-ը կրկնակի տոն է հայ ժողովրդի համար,_ասում են աշակերտները: Ներկայացնում են Շուշիի ազատագրումը, կարդում բանաստեղծություններ նվիրված Արցախյան ազատամարտիկներին, կատարում երգեր: 

Փառք Ձեր անունին, որ այդ ահարկու
 Կռվից դուրս եկաք փառքով ու պատվով 
Անմահ հերոսներ, մեր ազատամարտիկներ: 

Միջոցառման վերջում հնչում են հայկական բանակին նվիրված երգեր: Երգում էին բոլորը միասին և՜ զինվորները, և՜ աշակերտները, մեկ անգամ ևս ապացուցելով, որ մեր բանակը հաղթական է, որ հայ ժողովուրդը հերոսական ժողովուրդ է: