Դպրոցի զարգացման ծրագիր ուղեցույց մշակելու նպատակով տեղական խորհրդատուների ընտրության մրցույթ

<<Դպրոց կենտրոնների միություն>> իրավաբանական անձանց միությունը  ՀՀ ԿԳՆ <<Կրթական ծրագրերի կենտրոն>> ԾԻԳ-ի հետ կնքված պայմանագրի համաձայն <<Կրթության որակ և համապատասխանություն>> երկրորդ վարկային ծրագրի շրջանակներում <<Դպրոցի զարգացման ծրագիր>> ուղեցույց մշակելու  համար հայտարարում է տեղական խորհրդատուների ընտրության մրցույթ: 

Տեղական խորհրդատուների աշխատանքի շրջանակն է` 

• ուսումնասիրել դպրոցի զարգացման ծրագրերի մշակման տեղական և միջազգային փորձը,

• մշակել <<Դպրոցի զարգացման ծրագիր>> ուղեցույցը` ՀՀ կրթության զարգացման պետական ծրագրի սկզբունքներին և խնդիրներին համապատասխան,

• <<Դպրոցի զարգացման ծրագիր>> ուղեցույցը  դպրոցներում փորձարկելու համար իրականացնել ընտրված դպրոցների տնօրենների վերապատրաստում,

• իրականացնել մշտադիտարկում փորձնական դպրոցներում և հաշվի առնելով  արված առաջարկությունները` պատրաստել <<Դպրոցի զարգացման ծրագիր>> ուղեցույցի վերջնական տարբերակը:  

Թեկնածուներին ներկայացվող նվազագույն որակավորման պահանջներն են.  

• բարձրագույն կրթություն մանկավարժության, սոցիալական գիտությունների և այլ համապատասխան բնագավառներում,

• ուսումնական հաստատությունում, կամ այլ կրթական կազմակերպությունում ղեկավար կամ մասնագիտական, մեթոդամանկավարժական աշխատանքի առնվազն 7 տարվա փորձ,

• մանկավարժական աշխատողների աշխատանքային պարտականությունների և իրավունքների,  պաշտոնների նկարագրերի և դրա հետ կապված  այլ նորմատիվ և աշխատանքային փաստաթղթերի իմացություն,

• ուսումնական հաստատության զարգացման և կառավարման այլ ծրագրերի մշակման փորձ, 

• հաշվետվությունների և զեկույցների պատրաստման կարողություն, 

• թիմային աշխատանքի և հաղորդակցման լավ հմտություններ,

• հայերենի գերազանց իմացություն,

• համակարգչային հմտություններ և ինտերնետով աշխատելու կարողություն:

Անգլերենի իմացությունը ցանկալի է:

 Հետաքրքրված անձիք պետք է ներկայացնեն դիմում, մանրամասն տվյալներով անձնական թերթիկ (ինքնակենսագրություն/ CV)` անգլերեն և հայերեն տարբերակներով, 1 լուսանկար, բարձրագույն կրթության դիպլոմների պատճենները, 2 երաշխավորագիր-նամակ (Recommendation Letter): 

Պահանջվող փաստաթղթերը  պետք է ներկայացնել <<Դպրոց կենտրոնների միություն>> իրավաբանական անձանց միության գրասենյակ մինչև 2012 թվականի  սեպտեմբերի 5-ը  ժամը 17:00-ը, հետևյալ  հասցեով` Ք.Երևան, Տիգրան Մեծի 71, բն. 59: Հեռախոս` (374-10 57-73-17):